Kapansin pansin ngayon ang umiinit na tambalan ng Kapuso stars na sina Janine Gutierrez at Aljur Abrenica sa kanilang primetime teledrama na ONCE AGAIN. Bukod sa magandang kuwento nito, mahuhusay na mga beteranong artista at mula sa direksiyon ni Don Michael Perez, ang natural at kapanipaniwala na chemistry nina Janine at Aljur ang nagdadala ng appeal nito sa mga viewers, di lang sa Pilipinas kundi sa mga Pilipino abroad.
Subalit may lumalabas na mga balita na sinisiraan ngayon si Aljur ng mga cheap na tabloids at cheap na radio programs. Maraming mga fans ng kanilang LT ang nasasaktan dahil tila ayaw nilang bigyan ng pagkakataon na tuluyang makapag take off ang kanilang tambalan sa TV at sa pelikula.
Ang magandang balita ay dahil sa dami ng mga kalamidad at mga masasamang pangyayari sa iba't ibang panig ng mundo, sa totoo lang, ang majority ng mga Pilipino ay wala nang pakialam sa mga paninira ng OLD MEDIA. Para silang mga bampira na malapit nang magunaw dahil hindi na sila makakahabol pa sa pag upgrade ng NEW MEDIA na dala ni Maine Mendoza. Sabi nga ni Jessica Soho, binasag na ni Maine Mendoza ang lumang sistema ng showbiz. Kaya ang mga OLD MEDIA ay wala nang saysay at mas nais pa ng maraming mga fans ang makuha mismo ang balita mula kina Janine at Aljur. Lilipas din ang mga paninira ng mga baliw na reporters, tabloid writers at radio commentators na honest to goodness, alam na ng taong bayan na mga bayaran.
Hindi nila mapipigilan ang pagsibol ng kanilang tambalan dahil hindi pilit ang kanilang love team at hindi sinasadya ang pag pair sa kanilang dalawa. Napapansin ng masa ang kakaibang karisma ng dalawa kapag magka eksena ito sa ONCE AGAIN. Ayon pa sa ibang netizens: alam naman nila na REEL lang sina Janine at Aljur subalit para silang mag jowa. Ito ay dahil sa Pinoy na Pinoy na features at lalakeng lalake na aura ni Aljur at sa Mestiza at submissive aura ni Janine.
Kahit ano pa ang paninirang gawin nila sa dalawa o kahit hindi man sila paborito ng kanilang management, mapipilitan pa rin silang bigyan ng maraming projects dahil nabibighani nang unti-unti ang mga manunood sa kanila. At ignorante na rin ang mga PR-Managers ngayon sa loob ng giant networks dahil ang hindi nila alam, umay na ang taong bayan sa fake na dating at packaging ng mga artista sa TV. Kaya nga patok na patok ang AlDub dahil internet superstar si Maine Mendoza at binuhay nito ang papawalang career ni Alden Richards sa mainstream.
Sa interview nga ni Boy Abunda, sabi niya na dapat magpakasal ang internet TV at mainstream TV para mag survive.
Bottom line is, kahit tumambling pa ang mga PR-Managers sa loob ng giant networks o anupamang management, kung ayaw ng tao sa artist na pinagpipilitan nila, walang mangyayari. Tapos na ang maliligayang araw ng OLD MEDIA na naloloko nila ang taong bayan sa kanilang ginagawang pagpapabango sa kanilang bini build up na artist sa pamamagitan ng mga exaggerated na balita sa tabloids, radio programs, magazines at interviews sa Showbiz Talk Shows.
Ang tambalang Janine Gutierrez at Aljur Abrenica ay isang GOLDMINE na hindi pa lubusan na nari realize ng GMA Kapuso Network. Kung bibigyan nila ang dalawa ng mga proyekto na tulad ng kina Kristine Hermosa at Jericho Rosales noon, bubulusok pataas ng todo todo ang kasikatan ng dalawa at init ng hatak nito sa masa.
Sa kasalukuyan, may campaign ngayon online dahil nais ng mga tagahanga nina Janine at Aljur na muling pagsamahin ang dalawa sa isa na namang romantic teledrama at pelikula.
Dagdag pa nga ng mga netizens, puwedeng puwede rin silang magkasama sa isang action indie film na mala Mr. and Mrs. Smith.
